Yakkasaroyda bo‘sh ish o‘rinlari mehnat yarmarkasi tashkil etildi

Hayotda to‘g‘ri kasb tanlash muvaffaqiyatli kelajakning garovidir. Chunki, insonning aksariyat vaqti ish jarayonlarida o‘tadi. Shu sababdan ham kishi o‘zi uchun sevimli hunarni o‘rganishi, o‘zi yoqqan kasb bilan shug‘ullanishi kerak.

⚡️ Bugun Yakkasaroy tumanidagi 100-sonli umumantaʼlim maktabida tuman hokimligi, Toshkent shahar Kambag‘allikni qisqartirish va bandlik boshqarmasi tomonidan ishsiz va band bo‘lmagan fuqarolar, ayniqsa xotin-qizlar va yoshlarning bandligiga ko‘maklashish, ularni mehnat bozoridagi kasblarga yo‘naltirish maqsadida bo‘sh ish o‘rinlar mehnat yarmarkasi tashkil etildi.

✨ Unda tuman hokimi Nilufar Allabergenova, hokim o‘rinbosarlari, tumandagi korxona va tashkilotlar o‘zlarining bo‘sh vakantlari bilan ishtirok etdilar.

⚡️ Bu kabi yarmarkalarning davomli tashkil etilishi, ishsiz bo‘lgan fuqarolarimiz uchun o‘zlariga munosib ish o‘rni topishda muhim ahamiyat kasb etadi.