Yakkasaroy tumani hokimi Allabergenova Nilufar Anvarovnaning Oʻzbekiston Respublikasi Davlat soliq xizmati xodimlari kuni munosabati bilan bayram tabrigi

Hurmatli soliq xizmati xodimlari!

Sizni — 12 avgust, Oʻzbekiston Respublikasi Davlat soliq xizmati xodimlari kuni bilan chin qalbimdan muborakbod etaman!

Sizlar mamlakatimiz iqtisodiy barqarorligi va davlat byudjetining toʻliq taʼminlanishida, tadbirkorlikni qoʻllab-quvvatlashda hamda sogʻlom biznes muhitini shakllantirishda muhim oʻrin tutasizlar. Yangi Oʻzbekistonni barpo etish yoʻlida amalga oshirilayotgan keng qamrovli islohotlarda soliq tizimining shaffof, odil va samarali faoliyati katta ahamiyatga ega.

Sizlarning bilimingiz, masʼuliyatingiz, intizomingiz va halol xizmatingiz mamlakat taraqqiyoti yoʻlidagi yuksak mehnat salohiyatingizni namoyon etmoqda. Jamoatchilik ishonchi va davlat manfaatlarini taʼminlashda tutgan oʻrningiz har qachon ham qadrlidir.

Mana shunday ulugʻ va masʼuliyatli kasb egalari boʻlgan siz azizlarni bugungi qutlugʻ sana bilan yana bir bor samimiy tabriklayman. Sizlarga sogʻlik-salomatlik, oilaviy baxt, tinchlik-osoyishtalik va faoliyatingizda ulkan muvaffaqiyatlar tilayman!

Bayramingiz muborak boʻlsin!