Yakkasaroy tuman hokimi Allabergenova Nilufar Anvarovnaning Matbuot va ommaviy axborot vositalari xodimlarini kasb bayrami bilan tabrigi

Hurmatli ommaviy axborot vositalari vakillari!

Siz azizlarni 27-iyun – Matbuot va ommaviy axborot vositalari xodimlari kuni bilan chin qalbimdan samimiy muborakbod etaman!

Bugungi globallashuv davrida sizlarning o‘rningiz va rolingiz jamiyat taraqqiyotida, ochiqlik va oshkoralikni ta’minlashda, fuqarolarimizni tezkor, xolis va ishonchli axborot bilan ta’minlashda beqiyosdir. Ayniqsa, bugun ijtimoiy tarmoqlar, onlayn platformalar va zamonaviy texnologiyalar vositasida aholining fikr va ehtiyojlarini aniqlashda, muammolarni ko‘tarishda va ularni yechishga ko‘maklashishda sizlarning hissangiz tobora ortib bormoqda.

Matbuot – bu jamiyat oynasi, ommaviy axborot vositalari esa ijtimoiy ong va jamoatchilik fikrining yetakchi kuchidir.

Sizlar fidokorona mehnatingiz, jurnalistik jasorat, xolislik va professional yondashuvingiz bilan har kuni el-yurt manfaatini himoya qilmoqdasiz.

Hurmatli axborot sohasi fidoyilari!

Sizlarga mustahkam sog‘liq, tinimsiz ijodiy ilhom, doimo adolat, haqqoniylik va xalq xizmatidagi matonatli mehnatingizda ulkan zafarlar tilayman.

Yozgan har bir maqolangiz, chiqargan har bir lavhangiz, olib borgan har bir surishtiruvingiz jamiyatimiz ravnaqi, adolat ustuvorligi va tinchligimizga xizmat qilsin!