O'zbekcha
Русский
English
Bugungi kunda mamlakatimizda davlatimiz tomonidan yoshlarni qo‘llab-quvvatlash, ularning iqtidori va salohiyatini to‘la ro‘yobga chiqarish, orzu-umidlarini amalga oshirish uchun barcha sharoitlar yaratilayotgani barchaga ma’lum. Ana shunday ezgu maqsadlarni amaliy tadbirlar bilan mustahkamlab borish maqsadida, bugun Yakkasaroy tumani hokimi Nilufar Allabergenova tumandagi oliy ta’lim muassasalarining bitiruvchilari va mahallalardagi faol yoshlar bilan ochiq va samimiy uchrashuv o‘tkazdi.
👍 Tadbirda tuman hokimining o‘rinbosarlari, tumandagi barcha muhim tashkilot va muassasalar rahbarlari, yoshlar yetakchilari va yurtimiz kelajagi – faol va tashabbuskor yoshlar ishtirok etdilar.
Muloqot markazida — yoshlar muammosi va imkoniyatlari
💠 Uchrashuvda yoshlar o‘zlarini qiziqtirgan masalalar, kelgusi rejalari va tashabbuslari haqida ochiqcha gapira oldilar. Ayrimlar ta’limdagi muammolar, ishga joylashish masalalari va startap loyihalarni moliyalashtirish borasidagi fikrlarini bayon qildilar. Hokim va mas’ullar esa har bir masalaga alohida e’tibor bilan yondashib, joyidayoq aniq yechimlar, taklif va yo‘l-yo‘riqlar berishdi.
San’at va ilhom bilan to‘ldi
👍 Tadbirning yana bir diqqatga sazovor jihati tuman madaniyat bo‘limi qoshida faoliyat yurituvchi yosh ijodkorlarning chiqishlari bo‘ldi. Ular tomonidan jonli ijroda kuylangan kuy-qo‘shiqlar tadbirga nafaqat madaniy, balki ma’naviy rang-baranglik ham olib kirdi.
Yoshlar kelajagi – davlat e’tiborida
👉 Nilufar Allabergenova o‘z nutqida ta’kidlab o‘tdiki, har bir yosh – alohida bir olam, va ularning quvonchi, muvaffaqiyati, hayotda o‘z o‘rnini topishi – bu jamiyat taraqqiyotining yuzasidir. Ushbu uchrashuv yakka holdagi tadbir emas, balki yoshlar bilan tizimli ishlashning bir qismi sifatida qaralishi lozim.
👍 “Yoshlarimizga ishonish kerak. Ularda imkoniyat bor, ularda kuch bor. Biz ularni tinglash, tushunish va qo‘llab-quvvatlash orqali yurtimizning kelajagini birgalikda qurishimiz mumkin,” – dedi tuman hokimi.
