Allabergenova Mudofaa bo‘limining qurilish loyihasi bilan tanishdi

Bugun Yakkasaroy tumani hokimi Nilufar Allabergenova, tumandagi nuroniy otaxonlar bilan tuman mudofaa bo‘limi uchun qurilishi rejalashtirilayotgan yangi bino loyihasi bilan tanishdilar.

Ta’kidlash joizki, yangi bino nafaqat mudofaa bo‘limi xodimlari uchun qulay ish sharoitini yaratish, balki hududda xavfsizlik va mudofaa tizimining yanada samarali faoliyat yuritishiga xizmat qiladi.

Tuman hokimi mazkur loyihaga yuqori ahamiyat qaratilishini ta’kidlab, qurilish jarayonida zamonaviy arxitektura talablari va milliy an’analar uyg‘unligiga e’tibor qaratish lozimligini qayd etdi.

Shuningdek, loyiha amalga oshirishda sifat, muddat va shaffoflikka qat’iy rioya qilinishi shart ekanini ta’kidladi.

Yangi bino qurilishi orqali mudofaa sohasida xizmat qilayotgan fidoyi xodimlarimiz uchun munosib ish muhiti yaratilishi bilan birga, tumanning umumiy infratuzilmasi ham yanada takomillashadi.