Barcha qulayliklar insonlar uchundir

Bugun Yakkasaroy tumani hokimi Nilufar Allabergenova, tuman hokim oʻrinbosarlari, tumandagi masʻul tashkilot korxona masʻullari bilan tumandagi mahallalarda oʻrganish olib borildi.

 Oʻrganish davomida “Belariq” mahallasida “Obod mahalla”, “Obod xonadon”, “Obod-koʻcha” umummilliy dasturi doirasida mahalla hududidagi Askiya koʻchasi 30-uy hududidagi eskirgan bolalar maydonchalari, hududda aholi uchun qulayliklar yaratib berish maqsadida qurilish va obodonlashtirish ishlarini boshlab berish boʻyicha fikr almashdilar.

Maʻlumot uchun ushbu koʻp qavatli uyning qurilganiga 89 yil boʻldi. Tuman hokimi koʻp qavatli uyning fasad qismini milliylikka alohida eʻtibor qaratib, quruvchilarga koʻp qavatli uyni taʻmirlash jarayonida milliylikni saqlab qolgan holda chiroyli va sifatli taʻmirlash boʻyicha kerakli koʻrsatmalar berib oʻtdi.