Assalomu alaykum! Hurmatli hamshiralar! Aziz tibbiyot xodimlari!

Yurtimizda va butun dunyoda har yili 12-may sanasi – Xalqaro hamshiralar kuni sifatida alohida eʼtirof etilib, bu kun oʻz kasbini fidoyilik, sadoqat va insoniylik bilan ado etayotgan hamshiralarimizga chuqur hurmat va eʼtirof ifodasi sifatida nishonlanadi.

Siz, azizlar – inson hayoti, uning sogʻligʻi yoʻlida shijoat va mardlik bilan xizmat qiladigan, har qanday sharoitda ham mehribonlik va eʼtiborni ayamaydigan, yuksak masʼuliyat va bagʻrikenglik sohiblarisiz. Har bir bemor qalbida umid uygʻotib, shifokorlar bilan yelkadosh boʻlib, uning tezroq sogʻayishi uchun oʻz bilimingiz va mahoratangizni ayamay xizmat qilyapsiz.

Bugungi kunda mamlakatimizda sogʻliqni saqlash tizimini isloh qilish, tibbiy xizmat sifatini oshirish borasida amalga oshirilayotgan islohotlarda siz – hamshiralarning oʻrni beqiyos. Yangi texnologiyalar, zamonaviy tibbiy yutuqlar bilan birga, insonparvarlik va kasbga sadoqat kabi yuksak qadriyatlar ham aynan sizlarning faoliyatingizda yaqqol namoyon boʻladi.

Qadrli hamshiralar!

Sizlarni yana bir bor bayram bilan samimiy tabriklar ekanman, barchangizga uzoq umr, baxt, oilangizga tinchlik va baraka, kasbiy faoliyatingizda esa ulkan muvaffaqiyatlar tilayman.