Allabergenovaning navbatdagi sayyor qabuli boʻlib oʻtdi

Bugun Yakkasaroy tumanidagi "Muhandislar" mahallasida mahalla aholisi uchun tuman hokimi Nilufar Allabergenova tomonidan sayyor qabul tashkil etildi.

Ushbu tadbir mahalladagi dolzarb masalalarni muhokama qilish, aholi muammolarini oʻrganish va ularga amalda yechim topish maqsadida oʻtkazildi.

Sayyor qabulda Toshkent shaharh hokimi o‘rinbosari Abdulaziz Isroilov, tuman hokimining o‘rinbosarlari, tumandagi tegishli idora va tashkilot rahbarlari “mahalla yettiligi” ishtirok etdilar.

Qabul davomida fuqarolar oʻzlarini qiynayotgan muammolar haqida toʻgʻridan-toʻgʻri hokimga murojaat qilish imkoniyatiga ega boʻldilar.

Murojaatlar asosan infratuzilmani rivojlantirish, ijtimoiy masalalarni hal etish, bandlikni taʼminlash, taʼlim va tibbiyot sohalaridagi muammolarni bartaraf etish bilan bogʻliq boʻldi.

Har bir masala yuzasidan hokim tomonidan tegishli masʼullarga topshiriqlar berildi va ularning ijrosi yuzasidan qatʼiy nazorat oʻrnatildi.