O'zbekcha
Русский
English
Yakkasaroy tumanidagi Karim Zaripov nomidagi Respublika estrada va sirk kollejida Navro‘z bayramiga bag‘ishlangan tadbir bo‘lib o‘tdi.
Ushbu tantanada tuman hokimi o‘rinbosari D.Rasulmuhamedova, Respublika ishchi guruhi aʼzolari, ustozlar, talaba-yoshlar va mehmonlar ishtirok etdilar.
Tadbir milliy qadriyatlar va anʼanalarni namoyon etuvchi ko‘tarinki ruhda o‘tdi. Navro‘zning asrlardan buyon xalqimiz hayotida tinchlik, mehr-oqibat, bag‘rikenglik va yangilanish ramzi sifatida nishonlanishi alohida ta’kidlandi.
Kollej o‘quvchilari tomonidan tayyorlangan teatrlashtirilgan chiqishlar, kuy-qo‘shiqlar, raqslar va sahna ko‘rinishlari bayramga yanada fayz kiritdi. Milliy cholg‘ular sadolari ostida yosh ijrochilar tomonidan ijro etilgan qo‘shiqlar va mumtoz raqslar mehmonlarga haqiqiy bayram kayfiyatini ulashdi.
