Allabergenova mehr ulashilgan dasturxon atrofida

Yakkasaroy tumani hokimi Nilufar Allabergenova mahalla hayotiga mehr va muruvvat kiritishni o‘ziga vazifa qilib olgan insonlardan biridir. Uning tashabbusi 13-noyabr kuni “Armug‘on” mahallasida istiqomat qiluvchi 68 yoshli Manzura onaning holidan xabar olish, ko‘ngliga quvonch ulashish maqsadida uning xonadoniga yosh volontyorlar guruh a’zolarini yubordi.

Ushbu mehribon va fidoyi yoshlar onaxonning uyini tartibga keltirib, unga atrof-muhitni qulay va toza holatda yaratishga yordam berdilar. Ular Manzura ona bilan samimiy suhbatlar qurib, unga ijobiy hissiyotlar ulashishdi. Shuningdek, volontyorlar onaxon uchun osh tayyorlab, o‘z mehru muhabbatlarini ko‘rsatdilar.

Manzura ona uchun bu juda katta e'tibor va dalda bo‘ldi. Inson umr yo‘li doimo oson kechmaydi; unda ko‘plab sinovlar, quvonch va tashvishlar bor. Ayniqsa, yoshi ulug‘ kishilar jamiyat e'tiborini ko‘proq his etishni istaydi. Nilufar Allabergenova esa nafaqat rahbar, balki yurakdan insoniyatga yaqin, mehribon, aholi dardini o‘zining dardi deb biladigan shaxs sifatida Manzura onaning xonadoniga shaxsan o‘zi bordi.

Kunning ikkinchi qismida hokim Manzura onaning uyiga kelib, yosh volontyorlar va onaxon bilan bir dasturxon atrofida oshxo‘rlik qildi. Ular samimiy suhbat qurdilar, Manzura ona o‘zining hayotiy tajribalari, boshidan kechirgan voqealari haqida hikoya qilib berdi. Yosh volontyorlar uning har bir so‘zini diqqat bilan tinglab, bu hikoyalardan saboq oldilar.

Ushbu uchrashuv nafaqat insoniy qadriyatlarni yuksaltirish, balki yoshlarga o‘z yaqinlarining qadriga yetishni, kattalarga e'tiborli bo‘lishni eslatish vazifasini ham bajardi. Tuman hokimi Nilufar Allabergenova va yosh volontyorlar tomonidan amalga oshirilgan bu chora tadbir faqatgina mehr-muruvvat ko‘rsatish emas, balki jamiyatimizdagi birdamlik, hamjihatlik va bir-biriga g‘amxo‘rlik qilishni targ‘ib qilishga qaratilgan ulug‘vor qadamlardan biri edi.

Bu kabi tashabbuslar jamiyatimizda mehr-oqibat va insonparvarlik ruhini saqlab qolish, kelajak avlodlarga o‘rnak bo‘lish uchun muhim ahamiyat kasb etadi. Nilufar Allabergenova o‘z amallari bilan oddiygina e'tibor va mehr nafaqat odamlar hayotini yengillashtirishi, balki ularning qalblariga iliqlik olib kirishini ko‘rsatdi.