2 May, 2025 95

OAV vakillari Yakkasaroy tumanidagi “Dilbuloq” mahallasining yangi zamonaviy binosida bo‘lib “mahalla yettiligi” a’zolarining faoliyati bilan tanishdilar.

OAV xodimlariga O‘zbekistonda mahalla institutining o‘ziga xosligi, uning jamiyatda tutgan o‘rni va ahamiyati haqida atroflicha ma’lumotlar berildi. Mahallada amalga oshirilayotgan ishlar, aholi uchun yaratilgan qulay shart-sharoitlar, ayniqsa, ish bilan ta’minlash, yoshlarni ta’lim va tarbiyaga yo‘naltirish, tadbirkorlikni qo‘llab-quvvatlash kabi muhim yo‘nalishlar bo'yicha ma'lumot berib o'tildi.

Bugungi kunda “Dilbuloq” mahallasining aholisi 6 700 nafardan ortiq bo‘lib, hudud xizmat ko‘rsatish va ishlab chiqarish sohalariga ixtisoslashgan.

Mahallada 300 ga yaqin savdo, sanoat va xizmat ko‘rsatish shoxobchalari faoliyat yuritib, ularda asosan mahalliy yoshlar va ayollar mehnat qilmoqda.

Shuningdek, maktabgacha ta’lim muassasasi, oilaviy poliklinika, ixtisoslashtirilgan sport maktabi mahallaning ijtimoiy hayotida muhim o‘rin tutadi.

“Xavfsiz mahalla” tamoyili asosida joriy etilgan 360 dan ortiq videokuzatuv moslamalari orqali jamoat tartibi va fuqarolar xavfsizligi yuqori darajada ta’minlanmoqda. Ushbu tizim mahalla profilaktika inspektori xizmat xonasiga ulangan bo‘lib, aholi bilan yaqin aloqada samarali ish olib borish imkonini bermoqda.

Powered by GSpeech