Sayyor qabul bo‘lib o‘tdi

Bugungi kunda davlat tashkilotlarining fuqarolar murojaatlari bilan ishlash tizimi yangi bosqichga ko‘tarilgan. Aholini qiynayotgan masala va muammolarga qisqa fursatlarda yechim topish esa hukumatimiz oldida turgan asosiy vazifalardan biri.

Shu kabi jihatlarini inobatga olgan holda bugun Yakkasaroy tumanidagi Xalq qabulxonasida O‘zbekiston Respublikasi Oliy Majlisi Qonunchilik palatasi deputati Borisova Yelena,  tuman hokimining o‘rinbosari - Oila va xotin-qizlar tuman bo‘limi boshlig‘i Dilfuza Rasulmuhamedova tumandagi masʼul korxona, tashkilot rahbarlari ishtirokida fuqarolar qabuli bo‘lib o‘tdi.

Qabul davomida murojaatlar asosan ishga joylashish, uy-joy olish va taʼmirlash, subsidiya olish bo‘yicha murojaatlar qabul qilindi.

Murojaatchilarning aksariyat qismi joyida bartaraf etilgan bo‘lsa, qolgan masalalar yuzasidan maʼlum muddat belgilanib, tez fursatlarda bartaraf etish uchun tegishli tashkilotlarga yo‘naltirildi.