OAV vakillari Yakkasaroyda namunali boshqaruv servis kompaniyasida bo‘ldilar

Xabar berganimizdek, bugun Ommaviy axborot vositalari vakillari hamda blogerlar Yakkasaroy tumanida press-tur tashkil etildi.

OAV vakillari Yakkasaroy tumanidagi “CLASSIC BUILDING COMMUNAL” boshqaruv kompaniyasi faoliyati bilan ham tanishdilar.

“Classic building communal” boshqaruv kompaniyasi 2012-yil tashkil etilgan bo‘lib, bugungi kunda 84 ta ko‘p qavatli uyda istiqomat qiluvchi 22 ming 570 nafar aholiga xizmat ko‘rsatadi.

Boshqaruv kompaniyasi tomonidan sohaga o‘z hisobidan jami 5,5 mlrd so‘m investitsiya mablag‘lari jalb etilgan bo‘lib, mazkur mablag‘lar kompaniya moddiy-texnik bazasini yangilashga hamda ko‘p kvartirali uylar texnik holatini yanada yaxshilashga yo‘naltirib kelinmoqda. Hozirda kompaniyada 14 ta (2 ta damas, 3 ta motoroller, 1 ta isuzi, 1 ta ekskavator, 1 ta samosval, 1 ta traktor 2 ta telejka, 2 ta skuter, 1 ta Hyundai Porter) texnika mavjud.

“Classic building communal” boshqaruv kompaniya faoliyati bo‘yicha kompaniya boshlig‘i OAV vakillariga qilingan ishlar bo‘yicha ma’lumot berib o‘tdi.