Yakkasaroyda navbatdagi sessiya bo‘lib o‘tdi

Yakkasaroy tuman hokimligida Xalq deputatlari tuman Kengashining III chaqiriq 16-sessiyasi bo‘lib o‘tdi. Sessiyaga Kengash raisi Nilufar Allabergenova raislik qildi.

Kun tartibida tumanning birinchi yarim yillikdagi ijtimoiy-iqtisodiy rivojlanishi, sohalar kesimidagi bajarilgan ishlar va yil yakuniga qadar belgilangan rejalarning amalga oshirilish holati muhokama qilindi.

Sessiyada quyidagi masalalar yuzasidan hisobotlar tinglandi:

Ta’lim sohasi: Maktabgacha va maktab ta’limi bo‘limi boshlig‘i D.Mustafayeva tomonidan amalga oshirilgan ishlar va rejalarga to‘xtalib o‘tildi.

Tibbiyot xizmati: Tibbiyot birlashmasi boshlig‘i S.Mavlonov soha bo‘yicha erishilgan natijalarni taqdim etdi.

Sanitariya va epidemiologiya: SESH va jamoat salomatligi bo‘limi boshlig‘i D.Xansaitov hisobot berdi.

Mahalliy byudjet: Qo‘shimcha mablag‘larning yo‘naltirilishi, “Ochiq byudjet” portali orqali moliyalashtiriladigan loyihalar bo‘yicha iqtisodiyot va moliya bo‘limi bosh mutaxassisi B.Xudoyqulov axborot berdi.

Bandlik va ijtimoiy qo‘llab-quvvatlash: Kambag‘allikni qisqartirish va bandlik bo‘limi boshlig‘i Sh.Baxromov faoliyat natijalarini yoritdi.

Kommunal xizmatlar: “Yakkasaroy-Maxsustrans” filiali direktori M.Mirsadikov tomonidan 2025-yilning I-yarim yilligidagi ishlar bo‘yicha ma’lumot berildi.

Sessiya yakunida mavjud muammolarni hal qilish va rejalarni samarali amalga oshirish bo‘yicha tegishli topshiriqlar berildi.

Yakkasaroy tuman hokimligi Matbuot xizmati